Samsung úsh ekrandy smartfonyn tanystyrdy
ASTANA. QazAqparat - Ońtústikkoreıalyq Samsung kompanııasy óziniń Galaxy S6 tý ustaýshy smartfonyn jáne onyń eki jaǵyndaǵy ıilgen ekrany bar nusqasyn tanystyrdy.
Galaxy S6 Edge - úsh ekrandy alǵashqy smartfon. Ony tanystyrý Barselonadaǵy Mobile World Congress halyqaralyq kórmesinde ótýde. Ońtústikkoreıalyq kompanııa smartfondar óndirisindegi álemdik kóshbasshylyqty qaıtaryp alýǵa tyrysýda, oǵan negizgi basekeles amerıkandyq Apple bolyp otyr, dep jazady RBK .
Galaxy S smartfonynyń jańa modelderi avıatsııalyq metaldan jasalǵan. Galaxy S6 Edge korpýsy áınektelgen. Kompanııa jasaýshylary burynǵy nusqadaǵy kamerany jańartty jáne qajetsiz qosymshalardy alyp tastady. Kompanııa jańa taýarynyń baǵasyn ázirge ataǵan joq.
Budan buryn BAQ Apple básekelesi jańa smartfondy tanystyratynyn, onda uıaly tólemderdiń jańa tehnologııasy ornatylǵanyn habarlaǵan bolatyn.
Ótken jyldyń sońynda Apple smartfondar óndirisinde Samsung-ti basyp ozyp, sońǵy úsh aıdyń ishinde bul qurylǵylardyń rekordtyq sanyn - 74,5 mln. iPhone satqan bolatyn.
