Samsung telefondy qýattaıtyn «aqyldy» jempir oılap tapty
ASTANA. QazAqparat - Ońtústikkoreıalyq Samsung kompanııasy «aqyldy» jempir modelin patenttedi. Bul týraly Armenpress habarlady.
Kompanııanyń ıdeıasyna sáıkes, jempir adamnyń qolynyń qozǵalysynan energııa óndiretin bolady. Bul úshin kúrteniń jeńine jáne aldyńǵy bóligine uıaly telefon ıesiniń belsendiligin esepteıtin arnaıy datchıkter ornatylady.
Al akkýmýlıatordy arqa tusyna ornatý kózdelgen. Onyń kólemi týraly málimetter ázirge joq. Biraq patenttik ótinimge sáıkes, qýaty asa úlken emes batareıalardy paıdalaný josparlanýda.
Sarapshylar «aqyldy» jempir qańtar aıynda Las-Vegasta ótetin CES-2018 jármeńkesinde tanystyrylatynyn boljaýda.
