Samsung smartfony adamdy onyń sýretinen qas qaǵýy boıynsha aıyratyn bolady
ASTANA. 30 naýryz. QazAqparat - Samsung Android 4.0 operatsııalyq júıesiniń quramyna kiretin Face Unlock quralyn odan ary jetildirmek, dep habaralaıdy SlashGear.
Face Unlock nemese feısbaqylaý telefon ıesin bet álpetinen tanıtyn qorǵanysh qyzmetin atqarady. Qoldanýshy qupııa kodty engizip nemese pernelerdi basyp otyrmaı-aq, smartfonynyń aldyńǵy beınekamerasyn óz betine taqasa bolǵany, blok ózi ashylady.
Buryndary «Feısbaqylaýdy» fotosýret kómegimen op-ońaı «aldap» ketýge bolatyn. Osyndaı keleńsizdikterdi boldyrmaý úshin endigi smartfondar ıesinen qas qaǵýyn «talap etetin» bolady. Iesi onyń talabyn oryndamaıynsha, ol da blogynan shyqpaı qoıady.
Jańartylǵan Face Unlock jýyq arada Samsung shyǵaratyn operatsııalyq júıelerdiń birine Android 4.0 bazasymen jaryqqa shyǵady. Onyń dál ýaqyty ázirge jarııalanbaı otyr.
