Samsung pen LG kompanııalary 3D teledıdar shyǵarýdan bas tartýda
ASTANA. QazAqparat - Ońtústikkoreıalyq teledıdar óndirýshiler óz ónimderindegi 3D tehnologııalarynan bas tartýda, dep jazady jergilikti basylymdar. Samsung pen LG kompanııalary 3D qoldanatyn teledıdarlardy shyǵarýdy azaıtyp jibergen, aldaǵy ýaqytta bul tehnologııa tek qymbat nusqalaryna ǵana ornatylady.
LG ókilderiniń aıtýyna qaraǵanda, 2016 jyly osyndaı teledıdar shyǵarý eki esege qysqartylady. Eger 2015 jyly LG kompanııasynyń jańa ónimderiniń 40% 3D qoldansa, bıyl olardyń sany 20 paıyzǵa azaıady. Bul tek asa qymbat qurylǵylarda ǵana.
Pocket-lint jazýyna qaraǵanda, Samsung 3D tehnologııany qoldanýdan bas tartqan. 3D kózildirik shyǵarýshylar osy kompanııadan 2016 jylǵa tapsyrys almaǵan. Sarapshylardyń oıynsha, bul qadam - tutynýshylarǵa arnalǵan qurylǵylardy osy tehnologııanyń ornatylmaıtyndyǵyn bildiredi.
Eske sala ketsek, sońǵy 2-3 jylda 3D-kontenttiń keń taralmaýy baıqalýda. Іri medıajeliler osy baǵyttaǵy ónim shyǵarýyn toqtatty, shyǵa qalǵannyń ózinde ol belgili bir maqsatqa arnalǵan biren-saran baǵdarlama ǵana.
