Samsung Qazaqstanda kir jýatyn máshıne, teledıdar shyǵarýy múmkin

ASTANA. KAZINFORM – Qazir Ónerkásip jáne qurylys mınıstrligi atalǵan kompanııamen kelissóz júrgizip jatyr. Bul týraly vedomstvo basshysy Qanat Sharlapaev málim etti.

«Elimizde turmystyq tehnıka óndirisi 3,8 ese ósti. Aıtar bolsaq, Almaty qalasynda Xiaomi teledıdar qurastyryp-shyǵarý zaýyty iske qosyldy. Túrkistanda kommertsııalyq tońazytqysh qurastyrýdy josparlap otyrmyz. Sonymen qatar Ońtústik Koreıanyń Samsung Electronics jáne Qytaıdyń HKC kompanııalarymen kelissóz júrip jatyr», - dedi Qanat Sharlapaev Úkimet otyrysynda. 

Úkimet otyrysynan keıin ótken BAQ ókilderi Samsung kompanııasymen júrgizilip jatqan kelissózdi tarqatyp aıtyp berýin surady. 

«Samsung kompanııasy tarapynan qyzyǵýshylyq bar, biraq kelisimniń qashan aıaqtalatyny belgisiz. Eger bizdiń jospar oryndalsa, biz de Samsung turmystyq tehnıkasyn shyǵaratyn bolamyz, naqty aıtqanda teledıdar, kir jýý máshınesi degendeı. Kompanııa bizge kelýi úshin quqyqtyq-normatıvtik qujattardy ózgertýimiz qajet», - dep jaýap berdi vedomstvo basshysy. 

Buǵan deıin Qanat Sharlapaev ýtıl alymyna qarsy petıtsııaǵa qatysty qorqytyp jatqan adamdardyń baryn aıtqan edi.