Samsung Galaxy S7 qańtarda shyqpaıtyn boldy
ASTANA. QazAqparat - Samsung kompanııasy jyl qorytyndysyna baılanysty ótkizetin baspasóz konferentsııasyna shaqyrýda teledıdar men turmys tehnıkasyna kóbirek kóńil bólip jatqandyǵyn atap ótken. Osyǵan deıin Samsung Galaxy S7 keler jyldyń qańtar aıynda shyǵarylady degen aqparat bolǵan edi, dep jazady 24.kz.
Jalpy, esterińizge sala ketsek, bul modeldiń osy jyldyń sońyna deıin paıda bolýy múmkin degen de habar bolǵan. Biraq, iri uıaly baılanys operatory China Mobile kompanııasynyń prezentatsııasy kezinde bir slaıd kózge shalynyp qalǵan eken. Sóıtse, ol jerde Galaxy S7 smartfonynyń shyǵarylýy naýryzǵa josparlanǵany týraly jazylypty. Bul aqparattyń ras bolýy ábden múmkin. Sebebi uıaly baılanys operatorlary ózgelerden góri smartfon óndirýshilermen ózara tyǵyz árekettesedi, dep jazady gazeta.ru. Foto:blogspot.com
