Samsung Galaxy Note 7 smartfony AQSh-taǵy avtokólik órtine sebep boldy
ASTANA. QazAqparat - Florıda shtatyndaǵy Sent-Petersberg qalasynda jergilikti turǵyn óziniń Grand Cherokee avtokóliginde Samsung Galaxy Note 7 smartfonyn qýattaýǵa qaldyryp ketken.
Keıinirek gadjet jarylyp, boljam boıynsha, avtokólik órtine sebep bolǵan, dep habarlaıdy ABC telearnasy.
Oqıǵa ornyna kelgen órt sóndirýshiler órtti sóndirdi, biraq kólikti aman alyp qala almady, ol túgi qalmaı órtenip ketken.
Shtattyń órt sóndirý qyzmeti jáne Samsung kompanııasy oqıǵanyń anyq-qanyǵyna kóz jetkizýde.
Avtokólik ıesi Natan Dornaker órtenip jatqan Grand Cherokee sýretin óziniń Facebook paraqshasyna jarııalady.
Buǵan deıin ońtústikkoreıalyq Samsung kompanııasy qurylǵynyń aqaýlaryn jóndeý úshin Galaxy Note 7 smartfonynyń satylymyn toqtatý týraly sheshim qabyldaǵan edi.
