Samsung Galaxy Note 7 smartfondaryn óshirip tastaýǵa keńes berdi
ASTANA. QazAqparat - Samsung Electronics kompanııasy ushaqtar bortynda birneshe ret órtene bastaǵan Galaxy Note 7 telefonynyń satylymyn ýaqytsha toqtatqanyn málimdedi jáne barlyq satyp alýshylarǵa olardy óshirip tastaýdy usyndy, dep habarlaıdy QazAqparat.
Reuters agenttigi ońtústikkoreıalyq kompanııanyń málimetine silteme jasap habarlaýynsha, Samsung barsha álemdik seriktesterinen resmı tergeý aıaqtalǵansha Galaxy Note 7 telefondarynyń satylymyn toqtatýdy surady.
AQSh satyp alýshylaryna arnalǵan kompanııa saıtynda osy telefon modelin satyp alǵan barlyq qoldanýshyǵa qurylǵyny óshirip, ony múldem qoldanbaý usynyldy. Sonymen birge, smartfondy Galaxy S7 modeline nemese 25 dollar bonýsymen Galaxy S7 edge-ge aýystyrý múmkindigi bary jazylǵan.
