Samsung Galaxy Note 7-niń jarylý sebebin aıdyń sońynda atamaq
ASTANA. QazAqparat - Ońtústikkoreıalyq Samsung kompanııasynda júrgizilgen tekserýler Galaxy Note 7 telefondarynyń jarylysy akkýmýlıatordan bolǵanyn boljaýda, dep jazady Reuters.
Derekkózdiń málimetinshe, kompanııanyń resmı túrdegi túsiniktemesi 2016 jyldyń tórtinshi toqsanynyń qorytyndysy shyǵarylǵanǵa deıin bir kúni buryn - 23 qańtarda jarııalanatyn bolady.
Smartfondardyń iri óndirýshisi Galaxy Note 7-niń sátsizdikterin neǵurlym jyldam anyqtaýǵa tyrysady, sebebi, Samsung jaqyn ýaqytta jańa Galaxy S8 telefonyn tanystyratyn bolady, dep jazady Laıf.
Investorlar men sarapshylardyń aıtýynsha, jarylystardyń senimdi ári naqty sebebin ýaqytyly túsindirip berý ońtústikkoreıalyq kompanııa úshin asa mańyzdy. Bul áreketter tutynýshylardyń senimin qalpyna keltirýge kómektesedi.
