Samsung Galaxy Note 7-niń jarylý sebebin atady
ASTANA. QazAqparat - Samsung kompanııasy Galaxy Note 7 smartfondary akkýmýlıatorlarynyń ózdiginen janý sebebin málim etti, dep habarlaıdy Assoshıeıted Press agenttigi.
Samsung smartfondaǵy aqaýlar úshin bar jaýapkershilikti óz moınyna alyp, oǵan sebep «akkýmýlıatorlardy jobalaýdaǵy jáne qurylǵyny jınaýdaǵy tehnologııalyq protsesterdiń kemshilig» bolǵanyn atap ótti.
Agenttiktiń habarlaýynsha, 700 zertteýshi men ınjenerler 200 myńnan astam qurylǵy men 30 myńnan astam akkýmýlıatordy synaqtan ótkizgen.
Aıta keteıik, qazan aıynyń basynda Samsung Electronics Galaxy Note 7 smartfondaryn óndirýdi ýaqytsha toqtatty.
Galaxy Note 7 Ońtústik Koreıada 19 tamyzdan bastap satyla bastady. Smartfondardyń qýattaý kezinde jana bastaýy týraly aqparattar túse bastaǵannan keıin, qyrkúıek aıynyń basynda álemdik naryqtan olardyń 2,5 mıllıon danasy keri qaıtaryldy, atap aıtqanda, AQSh, Taıvan, Ońtústik Koreıa elderinen.
