Samsung Electronics basshysy jansaqtaý bólimine túsip qaldy
ASTANA. QazAqparat - Samsung Electronics kompanııasynyń tóraǵasy Lı Kýn Hı tynys alý organdary syrqatymen Samsung Medical Center aýrýhanasynyń jansaqtaý bólimine jetkizildi, dep habarlady ITAR-TASS.
72 jastaǵy kásipkerge jasandy tynys alý jáne júregine tikeleı massaj jasaldy, dedi kompanııa ókili. Ol Lı Hýn Hıdiń jaǵdaıy turaqty dep naqtylady.
1990 jyldardyń sońynan beri Lı Kýn Hı Ońtústik Koreıadaǵy jetekshi konglomerat Samsung Group basshysy bolyp keledi, onyń ókpesine buryn operatsııa jasalǵan bolatyn, sodan beri ol tynys alý problemasymen zardap shegýde.
Sarapshylardyń pikirinshe, Lı Kýn Hıdiń densaýlyq jaǵdaıynyń nasharlaýy Samsung Group kompanııasyn baqylaýdy onyń uly Lı Che Enge berý úderisin shapshańdata túspek.
Samsung Electronics korporatsııasy jartylaı ótkizgishter, smartfondar jáne basqa da elektrondyq tehnıka óndiretin álemdegi iri kompanııalardyń biri.
