Samsung eksport úshin Galaxy Note 7 smartfonyn shyǵarýdy toqtatty
ASTANA. QazAqparat - Ońtústikkoreıalyq Samsung Electronics kompanııasy Galaxy Note 7 akkýmýlıatorlarynyń tutap ketetini týraly habarlamalardan keıin smartfondardy eksporttaýdy ýaqytsha toqtatty, dep jazdy RIA Novostı Renhap agenttigine silteme jasap.
«Atap aıtqanda, bul shara halyqaralyq jetkizýlermen aınalysatyn Vetnamdaǵy Samsung zaýytyna qatysty», - dep habarlady ońtústikkoreıalyq agenttik.
Ońtústik Koreıada Note 7 modeliniń satylymy 19 tamyzda bastaldy, al qyrkúıek aıynyń basynda AQSh, Ońtústik Koreıa, Taıvanda smartfondardyń qýattaý kezinde órtený faktileri habarlanǵan soń, kompanııa 2,5 mln. smartfondy álemdik naryqtan qaıtaryp alý týraly sheshim qabyldady.
