Samsung eki kompanııaǵa bólinýi múmkin
ASTANA. QazAqparat - Samsung ońtústikkoreıalyq elektronıka óndirýshisi eki kompanııaǵa bólinýdi qarastyrýda, dep habarlaıdy Reuters jergilikti Seoul Economic Daily basylymyna silteme jasap.
Samsung Electronics Co basshylyǵy men Elliott Management ınvestıtsııalyq qory kompanııany - holdıngtik jáne operatsııalyq etip ekige bólý jóninde kelissózder júrgizýde. Usynys qazan aıynda jasalǵan edi.
Elliott Management Samsung kompanııasyna eki zańdy tulǵaǵa bólinýdi, 30 trıllıon ońtústikkoreıalyq von arnaıy dıvıdent tólep, dırektorlar keńesine úsh táýelsiz múshe qosýdy jáne AQSh-tyń Nasdaq bırjasynda lıstıng rásiminen ótý týraly usynys jasady.
Samsung Galaxy Note 7 aınalasyndaǵy daý-damaıdan soń, ońtústikkoreıalyq kompanııanyń qazirgi hal-ahýalyna aktsıonerlerdiń kóńili tolmaı otyr. Qýattaǵyshtan shyqqan aqaý kompanııaǵa $2,7 mlrd.shyǵyn ákeldi. Samsung-tiń ІІІ toqsandaǵy operatsııalyq tabysy 30% deıinǵ ıanı 5,2 trln vonǵa azaıǵan.
Dúısenbi kúni kompanııa aktsııalary 1,6% qymbattady, onyń kapıtaldandyrylýy 258,6 trln vondy quraıdy.
Derekkózderdiń habarlaýynsha, Samsung dırektorlar keńesi 29 qarasha kúni kezdesý ótkizip, usynysqa jaýap beredi.
