Samsung basshysy bes jylǵa sottaldy
ASTANA. QazAqparat - Ońtústik Koreıadaǵy eń baı kásipkerlerdiń biri, Samsung Electronics kompanııasynyń basshysy Lı Chje En jemqorlyq jasaǵany úshin bes jylǵa bas bostandyǵynan aıyryldy, dep habarlaıdy Bı-Bı-Sı agenttigi.
Bul daý-damaı eldiń burynǵy prezıdenti Pak Kyn Heniń ımpıchmentine aınalyp, Ońtústik Koreıa ekonomıkasynyń negizin qalap turǵan iri korporatsııalarǵa halyqtyń narazalyǵy órshı tústi.
Lı burynǵy prezıdent Paktyń beıresmı keńesshisi jáne qurbysy Chhve Sýn Sıldiń qaramaǵyndaǵy qorlarǵa qarjyny zańsyz aýdarǵanyn moıyndamady. Maýsym aıynda Chhve bılikti asyra paıdalanǵany úshin úsh jylǵa bas bostandyǵynan aıyrylsa, Pak jemqorlyq jasady degen aıyp boıynsha sot aldynda jaýap berdi.
Aqpan aıynda ustalyp, juma kúni sottalǵan 49 jastaǵy Lı elektronıka, uıaly telefondar, teledıdarlar, monıtorlar men turmystyq tehnıka shyǵaratyn Samsung kompanııasynyń resmı túrde vıtse-prezıdenti. Alaıda onyń ákesi, kompanııa prezıdenti Lı Gon Hı ınfarkt alǵannan keıin ol korporatsııanyń resmı basshysy sanalady.
Lı úkimdi qaıta qaratý úshin shaǵym túsirýge nıetti, dep habarlady onyń advokaty.
