Samsung baǵasy rekordtyq deńgeıge deıin tómendedi
ASTANA. 16 qańtar. QazAqparat - Samsung Electronics sońǵy bir jarym aı ishinde 28 mlrd. dollar naryqtyq kapıtalynan aıyryldy. Álemdegi eshbir kompanııa mundaı kúıge túsken emes, dep jazady RBK.
Satylymda smartfondardyń kóbeıýi saldarynan Samsung bıznesiniń túsimi azaıýda. Sarapshylardyń pikirinshe, kompanııa taǵy da osyndaı mólsherdegi paıdasynan aıyrylýy múmkin.
Ótken jyldyń 29 qarashasynan bastap Samsung ónimderi 13%-ǵa arzandaǵan. Salystyra alǵanda, bul kompanııa japondyq Sony kompanııasyna qaraǵanda, kapıtaldandyrýdan kóbirek zardap shekti (18,2 mlrd doll.). Máselen, káristerdiń basty baqtalasy amerıkandyq Apple kompanııasynyń aktsııalary bar bolǵany 4,2% arzandaǵan.
Ońtústik Koreıa kompanııasynyń aktsııalary taǵy 11% arzandaýy múmkin, dep sanaıdy Berenberg Bank sarapshysy Adnaan Ahmad. Bloomberg málimdeýi boıynsha, ol sońǵy 12 aı ishinde Samsung aktsııalarynyń serpinin dálme-dál boljaǵan. Kompanııa kapıtaldandyrýynyń azaıý sebebi - bıznesiniń tómendeýinde. Qazan jáne jeltoqsan aılarynyń aralyǵynda ońtústikkoreılik kompanııanyń operatsııalyq tabysy 6%-ǵa, ıaǵnı 8,3 trln. vonǵa (7,8 mlrd. doll.) deıin tómendegen.
Samsung kompanııasy qańtar aıynyń sońynda tolyq esebin kópshilikke usynbaq. Sarapshylardyń pikirinshe, onyń tabysynyń quldyraý sebebi kompanııanyń 20 jyldyǵyna qyzmetkerlerine shamamen 1 mlrd. dollardy quraıtyn bonýstyń tólenýinde ǵana emes. Daewoo Securities baǵalaýy boıynsha, tórtinshi toqsanda kompanııa bar bolǵany 13 mln. Galaxy S4 smartfondaryn satqan, al aldyńǵy toqsanda satý kólemi 17 mln.-dy quraǵan bolatyn.
