Samsung Astanada telefon jarylýynan zardap shekken qyzǵa keltirilgen zalaldy óteıdi
ASTANA. QazAqparat - Samsung uıaly telefony jarylýynan zardap shekken qyzdyń ata-analary sotqa bermeýi múmkin. Olar eger kompanııa zalaldy óteıtin bolsa, talap-shaǵymnan bas tartýǵa ázir.
Polıtsııa qyzmetkerleri uıaly telefon jarylýynan zardap shekken Arıana Aıtjannyń anasynan aıǵaq materıaldaryn aldy, dep habarlady nur.kz.
Ol sonymen birge, eger taraptar bul máseleni retteıtin bolsa, gadjet óndirýshisine qatysty talap-shaǵym bermeıtinin atap kórsetti.
«Joq. Ázirge joq. Eger olar bizdiń máselemizdi retteıtin bolsa, onda talap-aryz bermeımiz», - dep atap kórsetti qyzdyń anasy.
«Bizge polıtsııadan kelip, bolǵan oqıǵanyń aıǵaqtary men túsiniktemelerdi alyp ketti. Men bas tartý aryzymdy jazdym», - dedi Álııa Qamzına. Sonymen birge, Qamzınanyń aıtýynsha, Samsung ókili jarylǵan telefondy saraptama ótkizý úshin berý jóninde ótinish jasaǵanyn aıtty.
«Kompanııa barlyǵyn óteýge jáne emdeý aqysyn tóleýge ýáde berdi», - dedi ol.
Arıananyń anasynyń aıtýynsha, qyzy birte-birte táýir bolyp keledi. «Biz úshin bastysy - balamyzdyń densaýlyǵy jáne onyń odan ári ońalýy. Búgin kóńil-kúıi jaqsy, biraq ta tábeti shamaly. Dáriger qozǵalysty shekteýge, kóp júrmeýge keńes berdi. Qazir kishkene qalypqa túsip kele jatqandaımyz: oqımyz, jazamyz jáne sýret salamyz», - dedi qyzdyń anasy. Eske sala keteıik, 21 sáýirde jeti jasar Arıana Aıtjan qaltasyndaǵy "Samsung Galaxy S2" telefony jarylýynan myqtap kúıik alǵan bolatyn.
Sonymen birge beısenbi kúni Samsung kompanııasy bolǵan oqıǵaǵa baılanysty egjeı-tegjeıli tekserý júrgizetinin habarlady.
