«Samsa qatyn emes, qoryqpaı ekeýin al»: Almatyda atyshýly jarnama alynyp tastaldy

ALMATY. KAZINFORM — Almatyda dúńgirshekten turǵyndardyń ashýyna tıgen jazýy alynyp tastaldy.

Qala ákimdiginiń málimetine sáıkes, áleýmettik jelide taraǵan «Samsa qatyn emes, qoryqpaı ekeýin al» jazýy Alataý aýdanynda ornalasqan tamaqtaný ornynda ilingen.

— Alataý aýdany ákimdiginiń mamandary Shoǵan abyz kóshesi, 406/1-úı mekenjaıynda ornalasqan qoǵamdyq tamaqtaný ornynyń kórneki aqparattaryna monıtorıng júrgizdi. Kásipkerlik sýbekti qyzmetkerlerine derektemeler men kórneki aqparattardyń tili jáne tutynýshylarǵa qyzmet kórsetý barysynda tilderdiń qoldanylýy jóninde túsindirý jumystary júrgizilip, ádistemelik kómek kórsetildi. Nátıjesinde ádebı til normalaryna saı emes kórneki aqparat alynyp tastaldy, — dep habarlady ákimdikten.

Eske salaıyq, buǵan deıin Almatyda esirtki jarnamalaǵan turǵyn sottalǵanyn jazǵanbyz.