«Samruk-Kazyna Trust» qory bıyl qandaı qaıyrymdylyq jobalaryn júzege asyrdy
«Qazirgi ýaqytta eldik 10 jobanyń bıýdjeti 1 mlrd 800 mln teńgeni qurady. Bul málimdelgen 3 mlrd teńge qaıyrymdylyq bıýdjetiniń 60 paıyzyna jýyqtaıdy. Qor kásiporyndary bar óńirlerde jalpy somasy 1 mlrd 400 mln teńgege 11 joba maquldandy. Buǵan qosa, memleket basshysynyń tapsyrmasyna sáıkes, ótken jyly qurylǵan 3 oblysta 1 mlrd 200 mln teńgege 6 joba arqyly qaıyrymdylyq is-sharalaryn kórsettik», - dedi ol elordada ótken brıfıng barysynda.
Sonymen qatar ol osy jyldyń 6 aıynda qor tarapynan júzege asyrylǵan jobalarǵa toqtaldy.
«Soyle.kz jáne resmihat.kz portaldarynyń jumysy arqyly memlekettik tildi qoldaný aıasyn keńeıtýge járdemdesý jáne nasıhatta júrgizilip, azaq tilin úırený boıynsha mobıldi qosymshalar men YouTube arnalary iske qosyldy. Jańaózen jastaryn qoldaý maqsatynda bıyl 170-den astam joǵary synyp oqýshysy «Jarqyn bolashaq» jobasy aıasynda elimizdiń 9 aımaǵyndaǵy 40-qa jýyq tehnıkalyq jáne kásiptik mekemeler men mektep-ınternattarynda oqýǵa stıpendııamen jáne granttarmen qamtamasyz etildi. Sonymen qatar jańaózendik 50 balany Býrabaıdaǵy IQanat mektebine 10-11 synyptarda sapaly bilim alýyna qor bıýdjetinen 55 mln teńge bólinse, aýyldyq jerlerden osy úzdik mektepte oqýǵa talpynǵan 800 jetkinshektiń irikteý naýqanyna qatysýyna 49 mln 600 myń teńge qarastyryldy. Byltyrǵy qaıyrymdylyq qarajatqa Mańǵystaý, Jambyl oblystarynyń turǵyndaryna 26 jańa ámbebap balalardyń sport alańyn syıladyq. Oǵan 1,5 mlrd teńgege jýyq qarjy jumsaldy», - dedi Qor basshysy.
Alfııa Adıevanyń aıtýynsha, bıyl alǵash ret qordyń qoldaýynyń arqasynda Almaty oblysynda tirek-qımyl apparaty buzylǵan 200 balaǵa arnalǵan sport lageri uıymdastyryldy. 2021 jyldan beri elimizdiń ár óńirinde balalarǵa arnalǵan ońaltý ortalyqtary ashylyp jatyr. Bıyl mundaı 21 ortalyq ashylmaq. Búginde olardyń 8 ashylyp, memleket menshigine berildi. Pedıatrııa jáne balalar hırýrgııasy ǵylymı ortalyǵynyń onkologııa bólimine quny 228 mln teńge bolatyn qan quramyn óńdeýge qajetti qondyrǵy satyp alyndy. Sonymen qatar «Salamatty Qazaqstan» medıtsınalyq poıyzy elimizdiń shalǵaı aýdandarylndaǵy 121 eldi mekenderine jol jartty. Poıyz úsh aıda 27 myń otandasymyzǵa sapaly medıtsınalyq kómek kórsetti.
