Samruk-Kazyna Trust qory 6 aıda qaıyrymdylyq kómekke 4 mlrd 400 mln teńge jumsady
«Ótken jyly elimizde aýqymdy ózgerister bastalyp, barlyq salada tıimdi qyzmetke den qoıyldy. Ol ózgeristerden «Samruk-Kazyna Trust» qory da shet qalmaı, ashyq, qoljetimdi ári nátıjeli jumystyń irgetasy qalandy. Bıyl biz munan da ary óz qyzmetimizdiń tıimdiligin arttyrýǵa bar kúshimizdi salyp jatyrmyz. Oǵan bıylǵy jartyjyldaǵy ıgi ister aıqyn dálel. Osylaısha, buǵan deıin málimdelgendeı jalpy elimizdiń áleýmettik-ekonomıkalyq órkendeýine úles qosýdan tys «Samuryq-Qazyna» kompanııalar tobynyń júıe quraýshy kásiporyndary ornalasqan aımaqtarda halyqtyń ómir súrý sapasyn jaqsartýǵa nazar aýdaryp otyrmyz. Bıylǵy qaıyrymdylyq bıýdjetimiz ótken jyldaǵydaı 10 mlrd teńgeni quraıdy. 6 aı ishinde qamqorshylyq keńestiń sheshimimen bul somanyń 4,4 mlrd teńgesine 27 joba maquldanyp, atalan jobalar arqyly jarty jylda 454 myń azamatqa qoldaý kórsetildi. Onyń ishinde 22 myń bala, 81 myń aýyl turǵyny bar», - dedi ol elordada ótken brıfıng barysynda.
Alfııa Adıevanyń atap ótinshe, 2022 jyly qor jobalary arqyly 500 myń qazaqstandyqqa qoldaý kórsetildi. Onyń ishinde 55 myńy bala, 95 myń aýyl halqy «Samuryq-Qazyna» kompanııalar toby atynan kómek aldy. 2023 jyldyń 1-jartysynda úkimettiń emes uıymdar tarapynan 87 ótinim qarastyryp, onyń 44-in Qamqorshylyq keńes qaraýyna ótizgen. 43 ótinim qujattary tolyq bolmaýyna nemese durys ázirlenbeýine baılanysty keri qaıtarylǵan. Al 2022 jyldyń 1-jartysynda barlyǵy 29 ótinim túsip, 17-si maquldanǵan edi. Demek bıyl ótinim sany úsh esege artyp otyr.
«Maquldanǵan 27 jobaǵa bólingen qarajat tómendegideı salalardyń damýyna úles qosýda: densaýlyq saqtaý salasynda jalpy bıýdjeti 954 mln teńge bolatyn 4 joba maquldanyp, iske asyrylýda. Bilim berý salasynda 1 mlrd 173 mln teńgege 7 joba, halyqtyń neǵurlym osal toptaryn qoldaý baǵyty boıynsha 1 mlrd 64 mln teńgege 11 joba, óńirlerdi damytý salasynda 782 mln teńge 2 joba jáne mádenıet pen sport baǵytynda 443 mln teńgege 3 joba júzege asyrylyp jatyr», - dedi qor dırektory.
Onyń atap ótýinshe, qor bıýdjetiniń 3 mlrd teńgesi eldik jobalarǵa, 7 mlrd teńgesi qordyń kompanııalary ornalasqan óńirlerge jumsalady. Al bıyl maquldanǵan 17 jobaǵa qor tarapynan 4 mlrd 400 mln teńge bólinip otyr.
