«Samruk-Kazyna Construction» basshysy qansha jalaqy alatynyn aıtty

ASTANA. QazAqparat – «Samruk-Kazyna Construction» AQ basqarma tóraǵasy Máýlen Aımanbetov «Jaıly mektep«ulttyq jobasy aıasynda qansha jalaqy alatynyn aıtty, dep habarlaıdy QazAqparat tilshisi.

«Meniń tórt orynbasarym bar. «Jaıly mektep» boıynsha orynbasarym – Amangeldi Sáttarov. Ári qaraı «Jaıly mektep» boıynsha departament bar, onyń dırektory – Erbol Ahmetov. Odan keıin qurylys bólimi, jobalaý bólimi bar.

Meniń jalaqymnyń mólsheri – esh shegerimsiz 1 mln 800 myń teńgeni quraıdy. Orynbasarym – 1 mln 390 myń, onyń ishinde qolǵa alatyny – 1 mln 200 myń, departament dırektory – 940 myń teńge alady», - dedi Máýlen Aımanbetov «Samruk-Kazyna Construction» ǵımaratynda ótken brıfınginde.

Buǵan deıin M. Aımanbetov «Jaıly mektep» aıasynda salynatyn mektepter sany nege qysqarǵanyn túsindirgen edi.

Aıta keteıik, «Jaıly mektep» jobasyn júzege asyrýǵa 2,6 trln teńge bólinedi.

Eń kóp «jaıly mektepter» Almaty, Túrkistan, Mańǵystaý oblystarynda, Shymkent, Astana jáne Almaty qalalarynda salynady. Qalǵan mektepter shaǵyn qalalardy qosa alǵanda, tutas Qazaqstan boıynsha birkelki bólinedi.