Samruk-Kazyna Construction 187 jaıly mekteptiń qurylysyna tender jarııalady
«Samruk-Kazyna Construction aktsıonerlik qoǵamy «Jaıly mektep» ulttyq jobasynyń nysanaly qurylys dırektsııasy bolyp otyr. Ulttyq joba aıasynda 2025 jyldyń aıaǵyna deıin búkil Qazaqstan boıynsha 401 jańa zamanaýı mektep salý kózdelgen. Bul shamamen 800 myńnan astam zamanaýı oqýshy ornyn ashýǵa jáne úshinshi aýysymdy tolyǵymen boldyrmaýǵa múmkindik beredi. Onyń ishinde apatty mektepterdi de azaıtý kózdelgen», - dedi ol BAQ ókilderimen ótken brıfıngide.
Samruk-Kazyna Construction aktsıonerlik qoǵamy 7 naýryzdan bastap elektrondy portalda «Jaıly mektep» ulttyq jobasy boıynsha konkýrs jarııalaǵan.
«Osy konkýrstyń nátıjesi mektepterdi jobalaıtyn jáne salatyn merdigerlerdi anyqtaıdy. Ulttyq joba boıynsha bıyl 221 mekteptiń qurylysyn bastaý josparlanǵan. Onyń ishinde 218 mektepti Samruk-Kazyna Construction iske asyrsa, qalǵan úsheýi memlekettik-jekemenshik áriptestik aıasynda salynady. Ony jergilikti ákimdikter qadaǵalaıdy – ekeýi Almatyda, bireýi Astanada. Qazirgi tańda 2024 jyly aıaqtalýǵa tıis 187 mekteptiń konkýrsy jarııalandy. Jańa aıtylǵan 218 mekteptiń 187-sine konkýrs jarııalandy. ıAǵnı, bul jerde jer máselesi ýaqtyly sheshilgen. Biraq 31 mektepti salý josparynda jer telimine tıisti ózgeris engizilmegendikten ekinshi kezeńmen konkýrs jarııalaımyz. Jalpy bıyl 218 mekteptiń qurylysy bastalyp, kelesi jyly qoldanysqa berilýi kerek», - dedi Máýlen Aımanbetov.
17 naýryzda konkýrsqa ótinim berý toqtatylady. Konkýstyq komıssııa ol ótinimderdi 18 naýryzdan bastap 15 jumys kúni ishinde qaraıdy.
«Odan keıin ótinimderde qandaı da bir kemistik bolsa, túzetýge 2 jumys kúni beriledi. Ol túzetýlerdi 5 jumys kúni ishinde qarastyramyz. Ótinimdi qaraý kezinde de, konkýrs nátıjesi jazylǵan konvertti ashý kezinde de ashyqtyqty qamtamasyz etip, BAQ ókilderin de shaqyramyz. Konkýrsta bir paıyz ǵana dempıngke ruqsat berdik. Negizi zań boıynsha 8 paıyzǵa deıin ruqsat bar», - deıdi «Samruk-Kazyna Construction» basshysy.
