«SAMRUK BALA CUP» Respýblıkalyq týrnıriniń jeńimpazdary marapattaldy
ASTANA. KAZINFORM – Astanada tórinde 4 aqpan kúni «Samuryq-Qazyna» qorynyń qoldaýymen bastaý alǵan aýyl balalary men jasóspirimderi arasyndaǵy shaıbaly hokkeıden «SAMRUK BALA CUP» atty aýqymdy respýblıkalyq týrnıriniń jeńimpazdary anyqtaldy.
Astana qalalyq Cport basqarmasy málim etkendeı, respýblıkalyq hokkeı týrnırine Aqmola, Shyǵys Qazaqstan, Abaı, Pavlodar, Soltústik Qazaqstan, Qostanaı jáne Qaraǵandy oblystarynan 300-den astam aýyl balalary qatysty.
Týrnırdiń marapattaý rásimine «Samuryq-Qazyna» AQ korporatıvtik basqarý, áleýmettik-eńbek qatynastary jáne eńbekti qorǵaý jónindegi basqarýshy dırektory Ǵıbrat Aýǵanov, Astana qalasynyń Dene shynyqtyrý jáne sport basqarmasynyń buqaralyq sport bóliminiń basshysy Azamat Agzamov qatysyp, júldeli 1, 2 jáne 3 oryn jeńimpazdaryn marapattady.
«Elimizde alǵash ret aýyl balalary men jasóspirimderi arasynda «SAMRUK BALA CUP» atty aýqymdy respýblıkalyq hokkeı týrnıri uıymdastyrylyp otyr. Bul Qazaqstanda jasóspirimder men jastar sportyn damytýǵa baǵyttalǵan tamasha qadam. Jas sportshylardyń áleýeti men olardyń jeńiske degen qulshynysy bizde chempıondardyń keremet býyny ósip kele jatqanyn kórsetedi. Buqaralyq sportty damytýdaǵy jobalardy jalǵastyratyn bolamyz», – dep atap ótti Ǵıbrat Aýǵanov.
