Samokat pen moped oıynshyq emes — ІІM shaǵyn kólikter neshe balanyń ómirin qıǵanyn aıtty
ASTANA. KAZINFORM — Іshki ister mınıstrliginiń resmı ókili Shyńǵys Álekeshev jyl basynan beri shaǵyn kólik tizgindegen jasóspirimder neshe ret jol apatyna túskenin aıtty.
«Jyl basynan beri moped, samokat sııaqty shaǵyn kólikterdi jasóspirimderdiń tizgindeýi saldarynan qansha kólik apaty boldy?» — dep surady jýrnalıst vedomstvonyń onlaın baspasóz máslıhatynda.
ІІM ókiliniń aıtýynsha, elimizde 10 balanyń ólimi shaǵyn kólikterdiń apatynan bolǵan.
«Jalpy shaǵyn kólik túrleriniń kóbeıýi jol-kólik qozǵalysyna edáýir áserin tıgizýde. Sebebi mundaı kólikti paıdalanýshylardyń basym bóligi jol erejesin saqtamaıdy jáne sońy, ókinishke qaraı, qaıǵyly jaıttarmen aıaqtalady. Mysaly, moped pen skýter tizgindegen jasóspirimderdiń qatysýymen 154 jol-kólik oqıǵasy oryn alǵan. Saldarynan kámeletke tolmaǵan 180 bala jaraqat alyp, 10-y qaza tapty. Osy sátti paıdalanyp aıtarymyz, jol qatelikterdi keshirmeıdi. Ata-analarǵa aıtarym, balalardyń árbir áreketin qadaǵalap, zań buzýyna jol bermeýińiz qajet. Eske salamyn, skýter, elektr samokat, moped degender oıynshyq emes, jol qozǵalysynyń tolyqqandy qatysýshylary. ıAǵnı, kólik bolyp esepteledi. Sondyqtan ata-analardan osy máselege muqııat qarap, qatań baqylaýlaryńyzdy suraımyz», — dedi Shyńǵys Álekeshev.
