Samogon qaınatpaq bolǵan Semeı turǵyny kúıip qaldy
SEMEI. QazAqparat – Semeı qalasynda samogan qaınatpaq bolǵan er adamnyń aıaǵyn kúıik shalǵan, dep habarlaıdy QazAqparat.
Qalalyq tótenshe jaǵdaılar basqarmasy baspasóz qyzmetiniń habarlaýynsha, oqıǵa Krasnokordonnaıa kóshesinde bolǵan. Anyqtalǵandaı, jeke turǵyn úıdiń jertólesinde er adam samagon daıyndaý kezinde qosylyp turǵan gaz ballonyna spırt tógip alady.
«Tilsiz jaýdyń aýmaǵy 0,5 sharshy metrdi qurady. Aǵash jıhaz ben qoqys órtengen. Qyzyl jalyndy óz betimen óshirmek bolǵan úı ıesiniń aıaǵy kúıip qalǵan. Qazirgi ýaqytta ol aýrýhanada jatyr», - dep habarlady vedomstvo ókilderi.
