Samoadaǵy qyzylsha epıdemııasy: Elde tótenshe jaǵdaı jarııalandy
NUR-SULTAN. QazAqparat – Samoada qyzylshamen aýyratyndar sany 3700 adamǵa jetip, aýrý saldarynan 50-den astam adam qaza tapty, onyń 48-i - tórt jasqa deıingi balalar. Bul týraly dúısenbi kúni memleket basshylyǵy habarlady, dep habarlaıdy QazAqparat Euronews-qa silteme jasap.
Qazirgi ýaqytta qyzylsha juqtyrǵan 183 adam aýrýhanaǵa jatqyzyldy, aýyr jaǵdaıdaǵy 19 bala jansaqtaý bóliminde jatyr.
Samoa bıligi elde tótenshe jaǵdaı jarııalady. Aralda mektepter men oqý oryndary jabyldy. Densaýlyq saqtaý mınıstrligi 16 qazan kúni adamdar qaıtys bola bastaǵannan keıin epıdemııa týraly habarlady. 18 qarasha kúni jalpy vaktsınatsııa bastaldy.
Sońǵy eki aptada araldaǵy memleketke 200 myńǵa jýyq vaktsına jetkizilip, qyzylshaǵa qarsy jalpylama vaktsınatsııa kezinde 58 myń jergilikti turǵynǵa ekpe jasalǵan. Araldaǵy jalpy halyq sany - 200 myńǵa jýyq.
