Sammıtke baılanysty ishki reısterdi qabyldaýyn toqtatatyn Astana áýejaıy qalypty jumysyna jeltoqsannyń 2-sinen 3-ine qaraǵan túni kirisedi
ASTANA. 5 qarasha. QazAqparat /Gúlmıra Álıakparova/ - EQYU Sammıtine baılanysty ishki reısterdi qabyldaýyn toqtatatyn Astana áýejaıy qalypty jumysyna jeltoqsannyń 2-sinen 3-ine qaraǵan túni kirisedi. Bul týraly búgin ótken baspasóz máslıhatynda «Astana halyqaralyq áýejaıy» AQ birinshi vıtse-prezıdenti Esbol Kereı málim etti.
E.Kereıdiń sózine qaraǵanda, Sammıt ótetin 1-2 jeltoqsan kúnderi Astana áýejaıynyń bar kúsh-jigeri sharanyń resmı qonaqtaryn qarsy alýǵa jáne shyǵaryp salýǵa jumyldyrylatyn bolady. Sol sebepti bul kúnderi ishki reıster Qaraǵandyǵa baǵyttalatyn bolady. Aıta keteıik, Astana áýejaıy kún saıyn 80 reıs qabyldaıdy, onyń ishinde halyqaralyq baǵyttar bar.
Eske salaıyq, 2006 jyly Sankt-Peterborda Úlken segizdik sammıti ótken kezde, Astana áýejaıynan úsh ese úlken «Pýlkovo» áýejaıy úsh kúnge jabylǵan bolatyn. Halyqaralyq reıster Fınlıandııa men Tallınge, al ishki reıster Kishi-Novgorod pen Máskeýge baǵyttaldy. Al elorda áýejaıy qaladaǵy jalǵyz áýejaı bolǵandyqtan, ol logıkalyq tujyrymdarmen jabylmaı, onyń tek ishki reısterin jaqyn mańdaǵy qalaǵa aýystyrý týraly sheshim qabyldandy.
Qaraǵandy áýejaıy dırektorynyń sózine qaraǵanda, búgingi kúni áýejaı Astananyń barlyq reısterin qabyldaýǵa tolyǵymen daıyn. Azamattar Qaraǵandydan Astanaǵa esh kedergisiz jetý úshin qosymsha temir jol kólikteri, avtobýstar men elektr poıyzdary shyǵaryldy.
