Sammıtke 46 kún qaldy. Sammıtke shamamen 1100 saǵattaı ýaqyt qaldy - respýblıkalyq basylymdarǵa sholý

***

«Sammıtke 46 kún qaldy. Sammıtke shamamen 1100 saǵattaı ýaqyt qaldy. Osylaı aıtsaq ta artyqtyq etpeıdi. Ár kúndi emes, ár saǵatty sanaıtyn kez qazir. Tarıhymyzdyń eń tamasha kezeńiniń túıindi tusyna taqaǵanymyzda, qazaq qazaq bolǵaly shyǵyp kórmegen bıigimizdiń de bıigine jaqyndaǵanymyzda bizdiń árqaısymyz basymyzǵa qonǵan baqtyń baǵasyn bilýge, taǵdyrdyń bizge syılaǵan qadir-qasıetin sergek sezinýge tıispiz. Óıtkeni Eýropadaǵy qaýipsizdik jáne yntymaqtastyq uıymyna qazirdiń ózinde 56 el múshe ekenin, bul uıymnyń tóraǵalyq tizgini bir elge eń jaqyn degende jarty ǵasyrdyń o jaq, bu jaǵynda ǵana qaıta tıetinin, al eń jıi degende bes jylda bir shaqyrylatyn EQYU sammıti syndy uly jıyndy óz elińde ótkizý qurmeti eń jaqyn degende bir ǵasyrdyń arǵy jaǵynda kórsetiletinin eskerseńiz aldymyzdaǵy oqıǵanyń qandaılyq orasandyǵyn táptishtep túsindirip jatý qajet bolmaı qalady», dep jazady «Egemen Qazaqstan» búgingi sanynda. «Astana rýhy erekshe kókeıkesti bolady» atty taqyrypta jarııalanǵan suhbattan EQYU-nyń Bas hatshysy Mark Perren de Brıshambonyń elimizdiń halyqaralyq uıymǵa tóraǵalyǵyna baılanysty pikirin bilýge bolady.

Sondaı-aq atalmysh basylymnyń habarlaýynsha, Eýropadaǵy qaýipsizdik jáne yntymaqtastyq uıymyna tóraǵalyǵymyz óte mazmundy ári túrli sharalarǵa toly ótýde. Ásirese, birinshi jartyjyldyqta uıym aldyna tóraǵalyq aıasynda qajetti tapsyrmalar men mindetterdi qoısaq, ekinshi jartyjyldyqtyń basynan bastap belsendi túrde sol maqsattarǵa qadam bastyq. Eýropa elderi halyqtarymen qatar, ózimizben kórshiles Ortalyq Aqııa elderiniń halyqtary senim artyp otyrǵandyqtan, Qazaqstan EQYU sheńberinde óte kúrdeli máselelerdi qarastyryp, kerekti sheshimder qabyldaýǵa tıis boldy. Dese de ol mıssııany da oıdaǵydaı alyp kele jatqanyna halyqaralyq qoǵamdastyq kýá. Bul týraly «Egemen Qazaqstan» basylymynyń búgingi sanyndaǵy «Jarqyn ister jalǵastyǵy» atty maqaladan bile alasyzdar.

***

«Aıqyn» basylymynyń jazýynsha, Úkimetke el Parlamentinen resmı saýal kelip tústi. Onda Májilis depýtaty Toqtarbaı Qadambaev orys aıýy men Qytaı ajdahasynyń ortasynda ekeýine de aldyrmaı, alǵyr da aılaly, aqyldy da sarabdal saıasat júrgizgen qazaq kókjaly, er Abylaı babamyzǵa qatysty mereıtoılyq data jaqyn qalǵanyn eske salady. Elbasynyń tapsyrmasymen búginde el Úkimeti aldaǵy jyly elimiz ben ultymyzdyń eń ulyq merekesin jalpyulttyq deńgeıde toılaý úshin úlken sharalar josparyn túzip jatqany málim. Depýtat uly tulǵamyzdyń mereıtoıyn atap ótýdi soǵan engizýdi usynady. Depýtattar kóterip otyrǵan atalmysh másele jóninde «Aıqyn» basylymynyń búgingi sanyndaǵy «Abylaı babamyzdyń mereıtoıy ataýsyz qalmasyn!» atty maqalada egjeı-tegjeıli jazylǵan.

Sondaı-aq «Aıqyn» búgingi sanynda jaǵymdy jańalyq jetkizipti. Basylym tilshileriniń mamandardyń derekterine súıene otyryp, keltirgen mysaldarǵa qaraǵanda, elimizde týberkýlez boıynsha epıdemııalyq jaǵdaı turaqtanyp keledi. Máselen, 2002 jyly júz myń adamǵa shaqqanda 165,1 qurt aýrýyna shaldyǵý kórsetkishi tirkelse, 2005-2009 jyldary bul san 147,3-ten 105,3-ke tómendepti. ıAǵnı, sońǵy bes jylda qurt aýrýyn juqtyrǵandardyń qatary 28 paıyzǵa kemigen. Sonyń ishinde balalar men jasóspirimder arasynda bul dertke shaldyqqandardyń qatary kúrt azaıypty. Mundaı nátıjege Dúnıejúzilik densaýlyq saqtaý uıymynyń usynystary boıynsha qurt aýrýyna qarsy kúrestiń keshendi sharalaryn júzege asyrý arqyly qol jetkizilgen kórinedi. Bul týraly «Qurt aýrýynyń qaýpi qaıtty ma?» atty maqalada aıtylǵan.

***

«Alash aınasy» basylymynyń jazýynsha elimizdegi «Aýyz sý» baǵdarlamasynyń Qostanaı óńirindegi qarqyny kóńil kónshiter emes. Taza sý tapshylyǵynyń zardabyn kórip otyrǵan aýyl - aımaqtar kóp. Sonyń biri - Qostanaı oblysyndaǵy Taran aýdanyna qarasty Naberejnyı selolyq okrýgi. Aıtýly másele jyldar boıy sheshimin tappaı jurttyń júıkesin ábden juqartyp bitti. Osydan tórt jyl buryn aýyldyń sý qubyry Boranbaeva Gúljııam degen jeke kásipkerge berilipti. Endi aýylǵa sý tańerteń eki saǵat, keshke eki saǵat qana beriledi. Buǵan adam da mal da jarymaıdy. Bul jaıynda bilgińiz klse «Alash aınasynyń» búgingi sanyndaǵy «El shoqa shaıynǵan sý iship otyr» atty maqalany oqyńyz.

Sondaı-aq osy basylymnyń búgingi sanynda «Qazaqstanǵa qansha zeınetaqy qory kerek?» atty maqalada jarııalandy. Basylymnyń jazýynsha, búginderi elimizdegi jınaqtaýshy zeınetaqy aktıvteriniń 45 paıyzy memlekettik baǵaly qaǵazdarǵa, 15 paıyzy sheteldik memlekettik jáne memlekettik emes baǵaly qaǵazdarǵa, 32 paıyzy qazaqstandyq uıymdardyń qaǵazyna, tek 5 paıyzy ǵana depozıtterge salynǵan. Alaıda odan túsetin tabys eldegi ınflıatsııa kórsetkishinen de tómen. ıAǵnı, jınaqtaýshy zeınetaqy aktıvteriniń bul salymdary paıda ákelip jatqan joq.

***
«Kazahstanskaıa pravda» basylymynyń habarlaýynsha, elimizdiń agrarlyq sektory turaqty damyp keledi. Al dándi daqyldardan alynǵan astyqtyń kólemi azyq-túlik naryǵyndaǵy turaqtylyqty saqtaýǵa tolyq múmkindik beredi. Aýyl sharýashylyǵy mınıstrliginiń málimetteri boıynsha, jınalǵan astyq kólemi býnkerlik salmaq esebi boıynsha 13,6 mıllıon tonnany quraıdy. Al ótken jylǵy jıynnan mol kólemde astyq qalǵandyǵyn eskersek, ishki qajettilik tolyǵymen qanaǵattandyrylady. Bul másele jóninde basylymnyń búgingi sanyndaǵy «Agrarnyı sektor podvodıt ıtogı» atty maqaladan bilýge bolady.