Sammıt qorytyndysy boıynsha 4 mańyzdy qujatqa qol qoıyldy
ASTANA. KAZINFORM — Aqordada Qazaqstan Prezıdenti Qasym-Jomart Toqaevtyń tóraǵalyǵymen ótken Halyqaralyq Araldy qutqarý qory quryltaıshy memleketter basshylary keńesiniń otyrysynda Sammıt qorytyndysy boıynsha 4 mańyzdy qujatqa qol qoıylǵany habarlandy. Bul týraly Aqorda málim etti.
Sammıt qorytyndysy boıynsha mynadaı qujattarǵa qol qoıyldy:
1. «Halyqaralyq Araldy qutqarý qoryna Qazaqstan Respýblıkasynyń tóraǵalyq etý barysy týraly» Halyqaralyq Araldy qutqarý qory quryltaıshy memleketter basshylarynyń sheshimi;
2. «26 naýryzdy Aral teńiziniń, Ámýdarııa men Syrdarııa ózenderiniń halyqaralyq kúni dep jarııalaý jóninde» Halyqaralyq Araldy qutqarý qory quryltaıshy memleketter basshylarynyń sheshimi;
3. «Halyqaralyq Araldy qutqarý qorynyń Prezıdentin saılaý týraly» Halyqaralyq Araldy qutqarý qory quryltaıshy memleketter basshylarynyń sheshimi;
4. Halyqaralyq Araldy qutqarý qory quryltaıshy memleketter basshylarynyń Astana málimdemesi.
