Sammıt EQYU úshin jańa tarıhı kezeń bolatynyna senim mol - K. Jıgalov
ASTANA. 28 qarasha. QazAqparat /Qanat Mámetqazyuly/ - Astanadaǵy sammıt EQYU úshin jańa tarıhı kezeń bolatynyna jáne onyń Eýroatlantıkalyq, Eýrazııalyq keńistiktegi barlyq ortaq qaýipsizdikterge qatysty qyzmetin tereńdete túsetinine senim mol.
Búgin elordada EQYU aıasyndaǵy Sholý konferentsııasynyń jalpy otyrysynda EQYU Іs basyndaǵy tóraǵasynyń arnaýly ókili-Syrtqy ister mınıstriniń orynbasary Konstantın Jıgalov osylaı málim etti.
«EQYU sammıti aıasyndaǵy Sholý konferentsııasy barysynda birqatar usynystar jasaldy. Atap aıtqanda, ondaı usynystardyń bir parasy EQYU-ny saıası dıalog túrinde nyǵaıtýǵa qatysty boldy. Bul rette keńester boıynsha qaýipsizdik túrleriniń sheshimderin jáne EQYU ashyqtyǵyna qatysty jasalatyn qadamdardyń kepildiligi boıynsha birlesken úderisterdi jetildirý jolyna basa nazar aýdarý qajettigý týraly másele kóterildi. Sonymen qatar, kóptegen qatysýshylar EQYU-nyń quqyqtyq bazasyn nyǵaıtý týraly da usynys jasady», - dedi K. Jıgalov.
Onyń aıtýynsha, basqosý barysynda EQYU hartııasy nemese Uıym jarǵysyn qabyldaý týraly da másele kóterilgen.
«Jalpy, sońǵy úsh aıda biz ózimiz uıymdastyryp otyrǵan táýelsiz Sholý konferentsııasy barlyq jerde de, Venanyń shyǵysynan batysyna deıingi aralyqtyń barlyǵynda da EQYU qyzmetiniń birshama alshaqtyqtary bar ekendigin kórsetti. Al bundaı ashyq talqylaýlar oryn alyp otyrǵan olqylyqtardy túzetýdi qamtamasyz eteri anyq ári bizdiń sheshimdi usynystarymyz sózsiz aldaǵy sammıttiń jemisti ótýine septigin tıgizedi. Men Astanadaǵy sammıt EQYU úshin jańa tarıhı kezeń bolatynyna jáne onyń Eýroatlantıkalyq, Eýrazııalyq keńistikteginde barlyq ortaq qaýipsizdikterge qatysty qyzmetin tereńdetedi dep senemin», - dedi SІM orynbasary.
