Samırhon Ababakırov HHHІІ Dúnıejúzilik Ýnıversıada oıyndarynyń chempıony atandy

ASTANA. KAZINFORM — Germanııada ótip jatqan HHHІІ jazǵy Dúnıejúzilik Ýnıversıadada Qazaqstan qorjynyna alǵashqy altyndy Samırhon Ababakırov saldy.

Fınalda 63 kelige deıingi salmaq dárejesinde Ababakırov túrkııalyq Omer Farýk Daıyoglýmen kezdesip, ony raýndtar boıynsha 2:0 esebimen (12:11, 11:3) jeńdi. Osylaısha, qazaqstandyq sportshy altyn medal ıelense, onyń qarsylasy kúmiske qol jetkizdi.

Bul Qazaqstannyń taekvondodan Ýnıversıada-2025 dodasyndaǵy altynshy medali. Buǵan deıin Damır Shýlenov, Tamırlan Tileýles, Batyrhan Tóleýǵalı, Beıbarys Qablan jáne Nodıra Ahmedova qola júldeger atanǵan bolatyn.

Samırhon jarys barysynda bes kezdesý ótkizip, barlyǵyn jeńispen aıaqtady.

Al buǵan deıin ol Qytaıdaǵy týrnırde taekvondoshy kúmispen kúptelgen edi.