Samır Dýrsýnov erkin kúresten álem chempıonatynda qola aldy

ASTANA. KAZINFORM - Qazaqstandyq Samır Dýrsýnov (97 keli) Bolgarııanyń Samokov qalasynda ótip jatqan 20 jasqa deıingiler arasynda erkin kúresten álem chempıonatynda qola júldeger atandy.

Qola júlde úshin saıysta ol úndistandyq Vıshalmen sheberlik baıqasty. Kezdesýde Samır qarsylasyn 6:0 esebimen jyldam jeńip ketti. Olardyń básekesi nebári 60 sekýndqa sozyldy.

Osylaısha Samır Dýrsýnov álem chempıonatynyń qola júldegeri atandy.

Qazaqstandyq balýan álem chempıonatynda aldymen mysyrlyq Abdelrahman Sheıatandy 9:8 esebimen jeńse, shırek fınalda beıtarap qurama atynan synǵa túsken reseılik Magomedgadjı Magomedovke 8:14 esebimen jol berip qoıdy.

Al jubanysh beldesýinde qytaılyq Tszıaveıý Lıdi 12:2 esebimen tize búktirdi.

Sondaı-aq búgin Edige Qasymbek (125 keli) altyn medalǵa talasady.

Dúnıejúzilik doda 1969 jyldan beri turaqty túrde ótkizilip keledi. Qazirge deıin qazaqstandyq balýandar 10 altyn, 27 kúmis, 39 qola medal aldy.

Byltyr Ispanııanyń Pontevedre qalasynda ótken álem chempıonatynda el quramasy 2 altyn, 1 kúmis, 4 qola júldemen medaldar kestesinde tórtinshi orynǵa turaqtady.