Samı Naserı, Djo Dassen jáne Arno Dıýkre Qazaqstandy Naýryzben quttyqtady

ASTANA. QazAqparat - Frantsııanyń qoǵam jáne mádenıet qaıratkerleri Qazaqstan halqyn Naýryz merekesimen quttyqtady, dep habarlaıdy Qazaqparat.

Beınerolıkti Frantsııadaǵy Qazaqstan elshiligi jarııalady.

Quttyqtaýshylar arasynda jazýshy Albert Fıshler, akter Samı Naserı men Arno Dıýkre, WKN álem chempıony Krıstan Bertelı, «Astana» velokomandasy, qoǵam qaıratkeri Graf Petr Sheremetev bar.

Jazýshy Marek Halter soǵys kezinde qutqaryp qalǵan ardagerlerge alǵys aıtty.

«Qazaqstandyq dostardy Naýryz merekesimen quttyqtaımyn! Bala kezimde Sizder meni soǵystan aman alyp qaldyńyzdar. Sondyqtan Sizderge sálem joldaımyn», - dedi ol.

Sondaı-aq, qazaqstandyqtardy Frantsııa ulttyq assambleıasynyń depýtaty Per Kabare, mýzykant Dıde Marýanı jáne Parıjdegi qazaq jastary men búldirshinderi quttyqtady.