«Samǵaý» ulttyq baıqaýynyń jeńimpazyna kólik mingiziledi

ASTANA. QazAqparat - «Halyq markasy» Qazaqstandyq taýarlar men qyzmetterdiń sapasyn baqylaý júıesi federatsııasy» otandyq naryqta brendke aınalǵan taýarlar týraly maqalalarǵa baıqaý jarııalaıdy.

Maqalalar «Halyq markasy» tutyný belgisine ıe bolǵan qazaqstandyq óndirýshilerdiń úzdik jáne qoljetimdi ónimderi týraly bolýy tıis.

Baıqaý nomınatsııalary: Baspasóz  (gazetter, jýrnaldar); Radıo; Teledıdar; Internet-BAQ (onyń ishinde aqparat agenttikteri); Áleýmettik  medıa (blogerler) jáne Sheteldik BAQ.

Bas júlde ıegerine Qazaqstanda jasalǵan avtokólik syıǵa tartylady. Tolyq aqparatty Federatsııanyń resmı saıtynan alýǵa bolady: www.halykmarkasy.kz.