«Sameco Kazakhstan» kompanııasy «Nazarbaev Ýnıversıtetine» myń danadan astam kitap syılady
ASTANA. 29 aqpan. QazAqparat - «Nazarbaev Ýnıversıtetinde «Sameco Kazakhstan» kompanııasynyń ýnıversıtettiń kitaphanalyq qoryna syılyqqa kitaptar kollektsııasyn berý rásimi ótti»,
dep habarlady Nazarbaev Ýnıversıtetiniń Kommýnıkatsııalar jáne marketıng departamenti.
Kitaptar 1 myń danadan astam jáne ýnıversıtetke syıǵa berilgen shyǵarmalardyń eń úlken kollektsııasy bolyp tabylady. Atalmysh rásimde Nazarbaev Ýnıversıtetiniń Prezıdenti osyndaı baǵaly syılyq bilim ordasy úshin úshin úlken olja ekendigin atap ótti. «Búgin Nazarbaev Ýnıversıtetiniń kitaphanasy Qazaqstanda aǵylshyn tilindegi kitaptardyń, merzimdik basylymdar men elektrondyq resýrstardyń eń úlken kollektsııasyna ıe bolyp otyr. Al syıǵa berilgen kitaptar, árıne ýnıversıtettiń kitaphana qorynyń baǵaly toptamasy bolyp tabylady»,-dedi Shıgeo Katsý.
Óz kezeginde «Sameco Kazakhstan» prezıdenti Ǵalymjan Pirmatov «Cameco Corporation» kompanııasynyń jergilikti, onyń ishinde Qazaqstan aýmaǵynda qoǵamdastyqty damytýǵa yqpal etetin áleýmettik mándi bastamalar men baǵdarlamalardy iske asyrý salasynda kópjyldyq tájirıbesi men dástúrleri bar ekendigin atap ótti.
Kitaptar syılyǵy shtab-páteri Kanadada ornalasqan ýran óndirýmen, óndeý jáne konversııasymen aınalysatyn álem deńgeıindegi «Sameco Corporation» jetekshi kompanııanyń enshiles uıymy - «Sameco Kazakhstan» kompanııasy men Nazarbaev Ýnıversıteti arasynda aldyn ala qol qoıylǵan memorandým nátıjeleriniń biri. Kanada, Ulybrıtanııa jáne AQSh baspalarynan Ýnıversıtetke berilgen kitap kollektsııasynyń quny 31 mln. teńge.
Kollektsııaǵa kóptomdyq entsıklopedııalar, ǵylymı eńbekterdiń jınaqtary jáne ǵarysh tehnologııalary, telekommýnıkatsııa, bıznes-damý, fotonıka jáne energııany únemdeý, qalalyq sáýlet óneri jáne elektrli ınjenerııa salasyndaǵy anyqtamalyq materıaldar kiredi. Basylymdar «Nazarbaev Ýnıversıtetiniń» mektepteri men ǵylymı ortalyqtary úshin asa baǵaly. Ǵalymjan Pirmatov ózi basqaratyn kompanııanyń negizgi basymdyqtary jergilikti halyqqa qoldaý, Qazaqstanda strategııalyq áriptestermen ózara qarym-qatynastardy ornatý bolyp tabylatyndyǵyn tilge tıek etti.
