Samboshylarymyz Máskeýden toǵyz medalmen oraldy
ASTANA. QazAqparat -Máskeýde sambo sportynan ótken A.A.Harlampıev atyndaǵy álem kýbogynda qazaqstandyqtar toǵyz medal jeńip aldy, dep habarlaıdy QazAqparat tilshisi.
Jerlesterimiz álemniń eń úzdik samboshylary óner kórsetken dodada toǵyz júldeni qanjyǵalaryna baılady. Onyń ekeýi kúmis, jeteýi qola medal.
Kúmisti erler arasynda 52 kelide synǵa túsken Beıimbet Qanjanov pen asa aýyr salmaqta synǵa túsken Erasyl Qajybaev ıelendi. Sondaı-aq, erler arasynda 62 kelide Shyńǵys Qajıaqparov, 68 kelide Serikov Nurbol jáne 82 kelide Meıirjan Baqtybaev qola júldeger atandy.
Áıelder arasynda Gúlnur Erbolova (52 kg), Ajar Kenbeıil (60 kg), Dınara Jumabaeva (64 kg) jáne Araılym Shegenova (80 kg) qola júldelerdi jeńip aldy.
