Samboshy Bolat Sapar Kóshpendiler oıyndarynda altyn júlde jeńip aldy
ASTANA. KAZINFORM — Qazaqstandyq samboshy 98 keliden joǵary salmaqta jeńimpaz atandy.
Sholpan-Atada ótip jatqan kúres jarystarynyń baǵdarlamasy óte tyǵyz. Halyqaralyq sambo federatsııasynyń kúntizbesine sáıkes, týrnırdiń barlyq baǵdarlamasy 3 qyrkúıekke josparlanǵan.
Bolat Sapar úshin bul alǵashqy iri halyqaralyq tıtýl emes. 2024 jyly ol Makaoda ótken Azııa jáne Okeanııa chempıonatynda 98 kelige deıingi salmaqta jeńimpaz atandy. Fınalda qazaqstandyq sportshy Ózbekstan ókili Nemát ıAkýbovty ahılles sińirine jasalǵan aýyrtý ádisimen ýaqytynan buryn jeńdi.
Bolat Sapar Dúnıejúzilik kóshpendiler oıyndarynda 98 keliden joǵary salmaqta óner kórsetip, týrnırdi taǵy da birinshi orynmen aıaqtady.
Eske salaıyq, buǵan deıin Jandos Ábýbákirov Dúnıejúzilik kóshpendiler oıyndarynda qola júlde enshilegenin habarlaǵanbyz.
