Sambodan tórt dúrkin Álem chempıony E.Baıbatyrov Japonııada ótetin dodaǵa qatysady
ORAL. QazAqparat - BQO ishki ister departamenti jedel qımyldaıtyn arnaıy jasaq ınspektory Erbolat Baıbatyrov bıylǵy qarasha aıynda Japonııada ótetin álem chempıonatyna qatysady.
Departamenttiń baspasóz qyzmetinen túsken málimetke qaraǵanda, Erbolat jýyrda Taldyqorǵan qalasynda erler men áıelder arasynda ótken el chempıonatynda 57 keli salmaqta úzdik shyǵyp, joldamany jeńip aldy.
Jarys jeńimpazdary Mońǵolııada ótetin Azııa, Japonııadaǵy álem birinshilikterinde el namysyn qorǵaıdy.
Eske sala keteıik, E.Baıbatyrov - sambodan tórt dúrkin álem chempıony jáne álem kýboginiń ıegeri.
