Sambodan TMD shekarashylary arasynda chempıonat ótti
«Dınamo» sport qoǵamy qoldaý bildirgen baıraqty básekede synǵa túsken toǵyz komanda eki kún boıy saıystyń sánin keltirdi, dep habarlaıdy QR UQK Shekara qyzmeti akademııasynyń baspasóz qyzmeti.
Shekara qyzmeti akademııasynda osymen tórtinshi márte ótkizilip otyrǵan baıraqty básekege Armenııa, Qyrǵyzstan, Ózbekstan, Tájikstan, Qazaqstan jáne Reseı Federatsııasy, Shekara qyzmeti akademııasy men Shekara qyzmetiniń «Ońtústik» jáne «Shyǵys» óńirlik basqarmalaryna qarasty áskerı bólimderinen iriktelgen eń myqty degen samboshylary qatysyp, baqtaryn synady.
Chempıonatty ótkizýdegi negizgi maqsat - shekarashylar arasyndaǵy dostyq qarym-qatynasty nyǵaıtý, sporttyq sheberlikterin arttyrý jáne áskerı qyzmetshilerdiń salaýatty ómir saltyn nasıhattaý.
Aıta ketý lázim, TMD shekarashylarynyń arasyndaǵy bul chempıonattyń jyl saıynǵy salmaǵy artyp keledi. Ony saıysqa qatysýshy komandalar sanynyń artqanynan ǵana emes, boz kilem ústinde shıyrshyq atqan samboshylardyń ataq-dárejesinen de baıqaýǵa bolady. Sebebi, sportshylardyń arasynda 7 halyqaralyq dárejedegi sport sheberi, 28 sport sheberi, 15 sport sheberligine úmitker jáne 1 dárejeli 2 samboshy bar.
Chempıonatqa 9 komandadan 100-ge jýyq sportshy qatysty. 8 salmaq dárejesi boıynsha jarysqa qatysyp jatqan shekarashy sportshylardyń arasynda reseılik tanymal sport sheberi Kýrgınıan Edýard ta bar eken.
Sporttyq shara bastalmas buryn elimizdiń ánurany shyrqaldy. Sodan keıin qurmetti qonaqtarǵa sóz berilip, óz kezeginde TMD elderi úılestirý qyzmeti Shekara áskerleri qolbasshylyǵy keńesiniń orynbasary polkovnık ıÝrıı Fedorov sóılese, odan keıin minberge shyqqan QR UQK Shekara qyzmeti akademııasynyń bastyǵy polkovnık Pavel Polıvanov jarysqa qatysýshylardy quttyqtady.
Saıystyń ashylý saltanatynan keıin Shekara qyzmeti akademııasy áskerı orkestri men kýrsanttardyń uıymdastyrýymen bolǵan arnaıy kontsertti tamashalaǵan qaýym artynsha boz kilem ústinde beldesken balýandardyń ónerine kýá boldy. Bıylǵy chempıonatqa Armenııa, Tájikstan sekildi elderdiń samboshylary birinshi ret qatysyp otyrǵandyqtan jarys kórigi qyza tústi.
Kil myqty balýandaryn baptap ákelgen komandalar sońǵy sátke deıin óz múmkindikterin jibermedi. Osy rette tóreshiler de barynsha ádil bolýǵa tyrysyp, balýandardyń kúresin qalt jibermeı qadaǵalap otyrdy.
Bir ókinishtisi, segiz salmaq dárejesinde ótkizilgen chempıonatta ótken jylǵy ǵana birinshilik tuǵyrynan kóringen Qazaqstan qurama komandasy ekinshi oryn alyp qaldy. Al reseılik samboshylardyń asyǵy alshysynan túsip, qarsylastaryna esh múmkindik qaldyrmaı, birinshi oryndy qanjyǵasyna baılady. Ózbekstannyń sportshylar bolsa, jalpy komandalyq esepte alǵashqy úshtikti túıindedi.
Jekeleı synda myqtylyǵyn dáleldegen sportshylar jóninde aıtar bolsaq, 57 keli salmaqta jerlesimiz Erbol Aldýhan birinshi, reseılik sportshy Oorjak Saıyn-Belek ekinshi oryndy ıelendi. Qyrǵyzstandyq Maqsat Toqtabaev pen «Ońtústik» óńirlik basqarmasynyń atynan kúresken Amanjol Moldalıev úshinshi oryndy mise tutty.
62 keli salmaq dárejesinde beldesken balýandar arasynda Qazaqstan qurama komandasynyń ókili Ospan Daýylbaı jeńis tuǵyryna shyqsa, reseılik Ejer Kedenov ekinshi, QR UQK Shekara qyzmeti akademııasynyń kýrsanty Mádı Malǵajdarov pen ózbekstandyq samboshy Azamat Kýpalbaev úshinshi oryndy ıelendi.
68 keli salmaqta Meıirjan Qaltaevtyń baǵy jansa (Qazaqstan quramasy), Ǵalymjan Nýrımanov (Reseı) ekinshi, al Nýrsultan Abdraman (QR UQK Shekara qyzmeti akademııasy), ózbekstandyq Qadir Sultanov úshinshi oryndy qanaǵat tutty.
74 kelide Vıacheslav Kolvanyń baǵy jansa, (Reseı) ekinshi oryndy, Meıirjan Qunanbaev ıelendi. (Qazaqstan), úshinshi orynǵa Andranık Nagdalın taban tiredi (Armenııa).
82 keli salmaqta Ivan Efanov (Reseı quramasy) - І oryn, Qajymuqan Óteýalıev (Qazaqstan) - ІІ oryn, Zafar Olımshoev (Tájikstan ) - ІІІ oryn aldy.
90 kelide: Pavel Goncharov (Qyrǵyzstan quramasy) - І oryn, Álimjan Jumahmetov (Qazaqstan) - ІІ oryn, Aaron Galoıan (Reseı) - ІІІ oryn;
100 keli salmaqta: Oleg Spasennıkov (Reseı quramasy) - І oryn, Navrýz Mavlanov (Ózbekstan) - ІІ oryn, Erlan Musaǵalıev (QR UQK ShQA ), Ramazon Tamnısov (Ózbekstan) - ІІІ oryn;
100 keliden joǵary salmaqta: Movladı Baıalıev (Reseı) - І oryn, Edýard Kýrgınıan (Reseı) - ІІ oryn, Erkebulan Abdýlla (Qazaqstan) - ІІІ oryn ıelendi.
Barlyq jeńimpazdar ret-retimen ortaǵa shaqyrylyp, olarǵa qurmetti qonaqtar TMD elderi Shekara Qolbasshylary Keńesi men «Dınamo» sport qoǵamynyń atynan arnaıy daıyndalǵan dıplom men medaldardy tabys etti. Sondaı-aq, komandalyq synda jeńiske jetken oıynshylarǵa TMD elderi Shekara Qolbasshylary Keńesiniń, Dınamolyq uıymdardyń Halyqaralyq úılestirý keńesi men «Dınamo» sport qoǵamynyń kýbogi men dıplomdary berildi.
Jarys sońynda TMD elderi úılestirý qyzmeti Shekara Qolbasshylary Keńesiniń ókili polkovnık ıÝrıı Fedorov: «Barlyqtaryńyzdy shyn júrekten quttyqtaımyn. Sizder bar kúsh-jigerlerińizdi jumsap, jaqsy oıyn órnegin kórsettińizder. Kelesi jyly dál osy jerde kezdesemiz dep oılaımyn», - dep eki kún boıy dúrildep ótken birinshilikti jabyq dep jarııalady. Odan keıin elimizdiń ánurany shyrqalyp, bir-birimen dostasyp úlgergen sportshylar estelik sýretke túsip, bir-birlerimen aıqara qushaqtasyp jatty. Beıne bir bul jarys TMD shekarashylarynyń myzǵymas dostyǵynyń altyn arqaýy bolǵandaı áser qaldyrdy. Al saıysqa qatysýshy qonaqtardyń barlyǵy bul chempıonattyń joǵary dárejede uıymdastyrylǵanyn aıtyp, alǵystaryn jaýdyrdy.
J.Jabyrbekov,
QR UQK Shekara qyzmeti akademııasynyń baspasóz hatshysy
