Sambodan ótken álem chempıonatynda elimizdiń sportshylary joǵary tabystarǵa qol jetkizdi
ALMATY. Qarashanyń 18-i. QazAqparat /Ádilet Musahaev/ - Qarashanyń 6-8-i kúnderi sambodan Grekııada ótken álem chempıonatynyń júldegerleri men olardyń jattyqtyrýshylary chempıonattyń qorytyndysy boıynsha baspasóz máslıhatyn ótkizdi,
dep habarlaıdy QazAqparat.
«Bul jarysqa 48 el qatysyp, komandalyq esep boıynsha biz ekinshi oryn aldyq. Bul jaqsy kórsetkish, óıtkeni buryn tek 5-shi nemese 6-shy oryndardy ıelenip júretinbiz. Jalpy bizdiń sportshylarymyz 7 medal utyp aldy. Erler - 2 altyn, 1 - kúmis, 2 qola enshilese, áıelder 1-kúmis, 1 qolaǵa qol jetkizdi», deıdi Sambo federatsııasynyń vıtse-prezıdenti A. Joldasbaı.
Sondaı-aq ol sambo oıynyn Azııa chempıonatyna jáne Olıpıadalyq oıyndar qataryna qosý jumystary qarastyrylyp jatqandyǵyn aıtty.
«Sońǵy kezderi sporttyń osy túri jastar arasynda úlken qyzyǵýshylyq týǵyzyp otyr, Almaty qalasy boıynsha 300-deı bala sporttyq úıirmelerde tegin jattyǵyp júr», deıdi dırektor.
«Men osy jarysqa kóp daıyndalyp, óz babymda bardym dep oılaımyn, degenmen qarsylastarymnyń barlyǵy myqty bolyp shyqty. Biraq jaqsy ádis-tásilderdi qoldaný arqyly jeńiske jettim», deıdi chempıonattyń altyn júldegeri D. Jaınaqov.
