Sambodan Qazaqstan chempıonatynda úzdik komanda anyqtaldy

AQTAÝ. QazAqparat - Túrkistan oblysynda 23 jasqa deıingi erler men áıelder arasynda sambo kúresinen QR chempıonatynda Mańǵystaýlyq sportshylar komandalyq esepte kósh bastady, dep habarlaıdy QazAqparat tilshisi.

Baıraqty báseke qorytyndysy boıynsha Mańǵystaý oblysynyń «Jas Batyr» sport mektebiniń sportshylary taǵy da úzdik ekendikterin dáleldedi.

Atap aıtsaq, medal sanymen Mańǵystaýlyqtar komandalyq esepte top jardy. Olar:

52 kg salmaqta Rahmetova Aıkún chempıon;

62 kg salmaqta Mamaev Ramazan chempıon;

64 kg salmaqta Turdan Aqnıet chempıon;

74 kg salmaqta Qýanyshuly Nurbek chempıon;

52 kg salmaqta Áımbetov Nurdaýlet qola medal;

56 kg salmaqta Nurǵalıqyzy Gúlnur qola medal;

57 kg salmaqta Tólegenov Dáýren qola medal ıelendi.

«Chempıondar men júldegerlerdi jáne olardyń bapkerleri: Berik Jumaǵalıev pen Janbolatuly Aıbekti Mańǵystaý oblysynyń sambo federatsııasynyń prezıdenti Aqjanov Aıdostyń atynan, Mańǵystaý oblystyq sport basqarmasynyń basshysynyń mindetin atqarýshy Qanat Jumabaevtyń jáne Mańǵystaý oblystyq »Jas Batyr« sport mektebiniń atynan shyn júrekten quttyqtaımyz! Alar asýlaryń kóp bolsyn! »Eldiń atyn er shyǵarar, Erdiń atyn el shyǵarar« degen osyndaıǵa aıtylsa kerek! Alar asý alda! Alǵa, Qazaqstan!», - dep «Jas batyr» sport mektebiniń dırektory Manarbek Bısekenov quttyqtaýyn áleýmettik jelide jetkizdi.