Sambodan Frantsııadaǵy halyqaralyq týrnırde otandastarymyz 3 altyn jeńip aldy

ASTANA. KAZINFORM – Parıj qalasynda frantsııalyq áıgili jattyqtyrýshy Davıd Herannyń qurmetine arnalǵan halyqaralyq sambo týrnıri máresine jetti.

Qazaqstan sambo federatsııasynan málim etkenindeı, bedeldi jarysta otandastarymyz keremet nátıje kórsetip, el namysyn abyroımen qorǵady. Qazaqstandyq samboshylar 3 altyn jáne 1 kúmis medal jeńip aldy. Atap aıtqanda, Nurbol Serikov, Qonysbaı Mahambet, Araılym Ábenova jeńis tuǵyrynan kórinse, Nurjan Jumajan kúmis júldege ıe boldy.

Batysqazaqstandyq balýan Nurbol Serikov 2018 jyly 68 kelige deıingi salmaqta álem jáne Azııa chempıony atanǵanyn aıta keteıik. 

Eske salsaq, budan buryn qazaqstandyq samboshynyń álem chempıony atanǵanyn jazǵan bolatynbyz.