Sambodan «Dınamo» sport qoǵamynyń ashyq chempıonatynda Almaty qalalyq ishki ister departamentiniń komandasy jeńimpaz atandy
ALMATY. 2 sáýir. QazAqparat - Almatyda quqyq qorǵaý organdary men kúsh qurylymdary arasynda 29-30 naýryz aralyǵynda «Dınamo» dene shynyqtyrý jáne sport qoǵamynyń ashyq chempıonaty ótti.
Oǵan 8 salmaq dárejesi boıynsha 8 komandadan 64 sportshy qatysty. Komandalyq synda 3 altyn, 3 kúmis, 1 qola oljalaǵan Almaty qalasynyń ishki ister departamenti birinshi oryn aldy. 4 altyn, 1 kúmispen QR UQK Shekara qyzmetiniń «Shyǵys» aımaqtyq basqarmasy ekinshi, al 1 altyn, 1 kúmis, 4 qola medalmen Respýblıkalyq Gvardııa úzdik úshtikti túıindedi. Jekeleı synda ishki ister qyzmetkerlerinen - Ardaq Tursynǵazy (74 kg), Aıbek Atajanov (82 kg), Erbol Baıbosynov (+100 kg), shekarashylardan - Rýslan Nysanbaev (57 kg), Marat Súleımenov (68 kg), Tımýr Rahmetjanov (90 kg), Amangeldi Baıbosynov (90 kg), gvardııashylardan -Jasbolsyn Qanalıev (62 kg) jeńimpaz atandy.
