Sambodan Azııa chempıonatynda Qazaqstannyń qorjyny taǵy 16 medalmen tolyqty

Tashkentte sambodan Azııa chempıonaty ótip jatqanyn QazAqparat buǵan deıin habarlaǵan bolatyn. Jarystarǵa álemniń 20-ǵa jýyq elinen 500-den astam sportshy qatysýda. Qazaqstan komandasy medal sany boıynsha qarsylastarynan oq boıy ozyq keledi.

Keshe tústen keıin boz kilemniń ústine shyqqan Qazaqstan komandasynyń jas ókilderi jaqsy nátıje kórsete aldy. Atap aıtqanda, qyzdar arasynda Aızada Shalapova (44 keli), Áıgerim Madenova (48 keli), Farıda Dosymbekova (64 keli), ıÝlıa Orazbaeva (80 keliden joǵary salmaq sanatynda) altynnan alqa taqty. Al Symbat Nahshımanova (68 keli), Perızat Jaqypbekova (72 keli), Aqmaral Shyńǵyshanova (80 keli), sondaı-aq Mádına Álibekova (56 keli salmaq sanatynda) «kúmis» qanjyǵalady. Sondaı-aq, Jadyra Tórehanova (52 keli) jáne Gúlbaný Appazova (60 keli) «qolany» qanaǵat tutty.

Jigitterdiń arasynda kózge túsken Madııar Aldamjarov (48 keli), Qazbek Sýpýǵalıev (57 keli), Azamat Myrzabaev (100 keliden joǵary salmaq sanatynda) altyn medal ıegerleri atansa, Mereke Turashev (82 keli) «kúmis» qanjyǵalady, al Qyzmet Baltabek (52 keli) pen Nursultan Imanǵazın (90 keli) qola nagradalar jeńip aldy.

Sambodan Azııa chempıonatyndaǵy jetistikterdiń qorytyndysy boıynsha Qazaqstan quramasynyń qorjynyna barlyǵy 25 medal túsip otyr.

Juma, maýsymnyń 4-inde boz kilem ústine jasóspirimder, sondaı-aq jekpe-jek sambonyń ókilderi shyǵady.