Sambodan Azııa chempıonatynda qazaqstandyq jastar 27 medal jeńip aldy

ASTANA. KAZINFORM — Tashkent qalasynda sambodan jastar arasynda Azııa jáne Tynyq muhıt chempıonatynyń jeńimpaz-júldegerleri anyqtaldy.

Qazaqstan sambo federatsııasynan málim etkenindeı, qazaqstandyq jastar barlyǵy 27 medalǵa (5 altyn, 10 kúmis, 12 qola) qol jetkizdi.

Sporttyq sambodan Nurjan Týmyrzaev (58 kg) pen Danııar Qalmaǵambetov (64 kg) altynnan alqa taqsa, Mahambet Qonyspaı (71 kg), Yqylas Murat (79 kg), Almas Temirbaı (98 kg), Meırambek Aldabergen (+98 kg) qola júldege ıe boldy.

Jaýyngerlik sambodan Abylaıhan Alshymbek (98 kg) pen Dinmuhanbet (+98 kg) chempıon atansa, Máýlen Erjanuly (79 kg) kúmis, Asqar Qalybek (58 kg), Nurasyl Qylyshbaev (64 kg), Bekzat Saǵataı (71 kg), Sanat Jamanqul (88 kg) úzdik úshtikke ilikti. 

Qyzdar arasynda sporttyq sambodan Juldyzaı Bısen (64 kg), Ulbosyn Ádilova (80 kg), Zeınep Tursynbek (+80 kg) ekinshi, Marııa Shemýratova (50 kg), Araı Tóleýbaı (59 kg), Іńkár Jolaman (65 kg), Ádına Abaqova (72 kg) úshinshi orynǵa kóterildi.

Jaýyngerlik sambodan Gúlmaıra Saǵıdanova (50 kg) óz salmaǵynda top jardy. Al Araılym Álimova (54 kg), Álemgúl Jarlan (59 kg), Nargız Qapsamet (65 kg), Gúlnur Abaı (72 kg), Anelıa Zeıneshova (80 kg) jáne Dıana Seıthan (+80 kg) kúmisti qanaǵat tutty.

Eske sala keteıik, budan buryn sambodan Azııa chempıonatynda qazaqstandyq 5 jasóspirim balýan chempıon atanǵanyn jazǵan bolatynbyz.