Sambodan Azııa chempıonatynda qazaqstandyq 5 jasóspirim balýan chempıon atandy

ORAL. KAZINFORM — Tashkent qalasynda sporttyq sambodan jasóspirimder arasynda Azııa jáne Tynyq muhıt chempıonatynda Qazaqstan quramasy tabysty óner kórsetti. 

Qazaqstan sambo federatsııasynan málim etkenindeı, qazaqstandyq jasóspirim balýandar 5 altyn, 5 kúmis, 5 kúmis medal jeńip alyp, komandalyq esepte ekinshi orynnan kórindi.

Ásirese, qyzdar arasynan tórt chempıon shyqty. Aqjibek Uzaqbaeva (50 kg), Arýjan Almaǵambetova (54 kg), Aqerke Ajmahan (80 kg), Taǵjan Tólebaı (+80 kg) altynnan alqa taqsa, Nuraı Qamzaeva (59 kg), Dılıara Egizbaı (65 kg), Aıanat Qanatbekke (72 kg) kúmis, Nursaıa Halmyrzaǵa (47 kg) qola buıyrdy.

Bozbalalar arasynda Meırambek Meıramǵalı (58 kg) jeńimpaz atansa, Ǵalamat Alpysbaı (71 kg), Nurhan Jamalhan (98 kg) kúmis, Arman Ómirbek (53 kg), Serjan Jıenǵazıev (54 kg), Arqat Ótegen (88 kg), Aıdyn Hamıdolla (+98 kg) qola júldege qol jetkizdi.

Eske sala keteıik, budan buryn qazaqstandyq samboshylar Azııa chempıonatynda 8 altyn jeńip alǵanyn jazǵan bolatynbyz.