Sambodan álem chempıony óziniń jeńip alǵan belbeýine asylyp óldi
ASTANA. 11 maýsym. QazAqparat - Sambodan álem chempıony jáne sambo men dzıýdodan Ázerbaıjannyń birneshe dúrkin chempıony, sport sheberi Ahad Radjabalı asylyp óldi,
dep habarlaıdy RosBıznes Konsaltıng.
Qaıǵyly oqıǵa ótken senbi, 8 maýsym kúni Sýmgaıytte boldy. Sportshy beldesýde jeńip alǵan qara belbeýine asylyp, kóz jumdy.
Aldyn ala málimetter boıynsha, Radjablı ózine qol jumsamas buryn áıelin jaqyn jerdegi dúkenderdiń birine nan alyp kelýge jibergen. Sportshy sýıtsıdti sol ýaqytta jasaǵan.
Atalmysh fakti boıynsha Ázerbaıjannyń Qylmystyq kodeksiniń 125-baby boıynsha (Óz-ózin ólimge ıtermeleý) qylmystyq is qozǵalyp, tergeý jumystary júrgizilýde. Prokýratýrada málim etkendeı, aldyn ala boljam boıynsha, óz-ózine qol salýdyń sebebi júıke júıesiniń kúızelisi boldy.
1962 jyly týǵan Ahad Radjablı dzıýdomen 12 jasynan shuǵyldandy. Ol Ázerbaıjanda dzıýdo mektebiniń negizin qalaǵan Ahmed Radjablıdiń aǵasy bolyp tabylady.
