Sambodan álem chempıony Madı Nabıev shymkenttik oqýshylarmen kezdesti
ShYMKENT. QazAqparat - Sambodan álem chempıony, bilikti bapker Madı Nabıev shymkenttik oqýshylarmen kezdesti, dep habarlaıdy QazAqparat tilshisi.
Qaladaǵy Ybyraı Altynsarın atyndaǵy №65 mektep-gımnazııasynda ótken kezdesýde dańqty sportshy ómir tájirıbesi týraly áńgimelep, alǵa qoıǵan maqsattary men bolashaq josparlarymen bólisti. Jastardy salaýatty ómir saltyn ustanýǵa shaqyryp, turaqty túrde sportpen shuǵyldanýǵa keńes berdi. Sonymen birge, dańqty sportshy jastardy jat aǵymdardan aýlaq bolýǵa úndedi. Sportqa bir taban jaqyn bolǵan erlerdiń bási bıik bolyp, joly ońǵaryla túsetinin jetkinshekterdiń jetesine jetkizip aıtty.
Eske sala keteıik, Madı Nabıev - 2016 jyly Horvatııa memleketiniń Porech qalasynda sambo kúresinen ótken Álem chempıonatynyń kúmis júldegeri. Sańlaq sportshy 35-39 jastaǵy sheberler arasynan úzdik shyqqan. Sondaı-aq, aǵymdaǵy jyly Grekııa eli Solonıkı qalasynda ótken álem chempıonatynda 90 keli salmaqta jeńimpaz atanǵan. Qazirgi tańda, №11 shyǵys jekpe-jek túrlerinen balalarmen jasóspirimder mektebinde djıý-djıtsý jáne sombo bóliminiń aǵa jattyqtyrýshysy bolyp eńbek etip júr.
