Sambodan álem chempıonatynda oraldyq balýan qola júldeni ıelendi
ORAL. QazAqparat - Batysqazaqstandyq balýan Serikbaı Nyǵmet Rýmynııanyń Ploeshtı qalasynda sambodan ótkizilgen jastar arasyndaǵy álem birinshiliginen qola júldemen oraldy.
BQO Dene shynyqtyrý jáne sport basqarmasynan túsken málimetke qaraǵanda, 68 salmaqta kúresken Serikbaı úshinshi oryn úshin básekede armenııalyq sportshyny tize búktirdi. Onyń jeke bapkeri - ózi de kezinde sambodan jastar arasyndaǵy dúnıejúzilik dodada top jarǵan jáne eresekter arasyndaǵy álem chempıonatynyń kúmis júldegeri Birles Esenǵalıev.
Aıta keteıik, S.Nyǵmet osyǵan deıin 2014 jyly Seýlde ótken jasóspirimder arasyndaǵy álem birinshiliginde de qola júldeni enshilegen bolatyn.
