Sambodan álem chempıonatynda qos qazaqstandyq sportshy qola júldeni ıelendi
ASTANA. QazAqparat - Marokkonyń Kasablanka qalasynda ótip jatqan sambodan álem chempıonatynyń úshinshi kúninde qola júldegerler men fınalǵa shyqqan sportshylar belgili boldy.
Halyqaralyq sambo federatsııasynyń resmı saıtynan alynǵan málimetke qaraǵanda, qazaqstandyq Dildásh Quryshbaeva 68 keli salmaqta jáne Eset Qýanov 62 keli salmaqta qola júldeni jeńip aldy. Sonymen qatar áskerı sambodan qos birdeı qazaqstandyq altyn júlde úshin talasady. 52 keli salmaqta Almas Súleımenov reseılik Amyr Bakrasovpen, 68 kelide Arman Ospanov taǵy bir reseılik Rashad Mýradovpen sońǵy básekelerin ótkizedi.
