Sambodan álem chempıonatynda qazaqstandyq balýandar 2 kúmis, 2 qola medal aldy
ASTANA. QazAqparat - Qyrǵyzstan astanasy - Bishkek qalasynda ótip jatqan sambodan álem chempıonatynda el quramasy qorjynyna eki kúmis, eki qola medal tústi, dep habarlaıdy QazAqparat tilshisi.
Álem chempıonatynda erler arasynda 58 kelide synǵa túsken Qaıyrberdi Aıdynbaı fınalda reseılik Saıan Hartekke jol berip, kúmis medaldy qanaǵat tutty.
Fınalda alǵashqyda ol qarsylasyn jeńip turǵan edi. Sońǵy sátte qatelikke boı aldyryp, jeńisti qarsylasyna berip qoıdy.
Ol budan buryn qyrǵyzstandyq Nurǵazy Janbosynov, japonııalyq Genkı Baba, ózbekstandyq Doston Rýzaevty jeńdi.
Al áıelder arasynda Gúldana Álmuhambetova (54 keli) qola júldeger atandy. Aldymen mońǵolııalyq Nomıntýıa Enhbatar, qyrǵyzstandyq Aıana Rysqulbekovadan basym tústi. Jartylaı fınalda belarýstik Alına Kýpaevaǵa ese jiberip, qola medal úshin saıysta ózbekstandyq Ýgılhon Kenjeboevadan basym tústi.
Sondaı-aq sambodan Esentaı Imahanov (64 keli) pen Margarıta Bajaeva (50 keli) jartylaı fınalǵa deıin jetti. Ekeýi de qola medal úshin saıysta qarsylastaryna ese jiberip, júldeden qur qaldy.
Al jaýyngerlik samboda Asylbek Smaıylov (79 keli) «kúmis» alsa, Raıhan Mádı (98 keli) qola júldege qol jetkizdi.
Eske salsaq, budan buryn paradzıýdodan ÁCh Qazaqstan komandalyq qola júldege ıe boldy.
Sýret: Olimpics
